NAHIMO ang lungsod sa Balingoan isip benepisyaryo sa mga Dental Services nga hatod sa Provincial Health Office – Dental Division.
Kini agig kick-off activity sa 21st National Dental Health Month sa bulan sa Pebrero.
Kwarentay nwebe (49) ka mga Day Care Children, Pregnant Women ug mga Senior Citizens ang nakabenepisyo sa tooth extraction, oral examination, dental cleaning ug uban pa.
Mipahigayon usab ug Oral Education para sa mga ginikanan isip suporta sa temang ‘Pamilya, Una kong Dentista.
Mitunol usab ang PHO-Dental Division ug mga toothbrushes/hygiene kits para sa mga bata ug gitudloan sila sa mga saktong pamaagi sa pag sepilyo sa ngipon.
Nangulo sa kalihokan ang PHO- Dental Team uban sa pakigkolaborar sa Rural Health Unit- Balingoan.
Kabahin kini sa tinguhang makubsan ang kalisod sa lalawigan subay sa SDPI Program ug sa PAGLAUM Development Agenda ni Governor Unabia sa letrang ‘U’ kon Unified Efforts for Health and Social Services Delivery.