El Alcalde del ciudad John Dalipe ya encabesa con el comemoracion del aca nueve aniversaryo del 2013 Zamboanga Siege este dia de Biyernes Septiembre 9, 2022.
Ya prinsipya enante alas siete del aga el ceremonia donde ya conduci el govierno local wreath-laying rite na Memorial Marker na Rizal Street. Ya canta con el National Anthem y despues ya oprese flores para na memoria del maga heroe durante el Zamboanga Siege.
Ya tiene military honor para con el maga 38 persona que ya despidi del Zamboanga Seige donde incluido el veinte soldao, cinco police y trese civilian durante el 21 dia guerra.
Presente durante el comemoracion canda Bise-alcalde Josephine Pareja, maga consehal del ambos distrito Lilibeth Nuno, Al Jihan Edding, Dan Vicente, Jerome Santos, El King Omaga, Eddie Saavedra, Carry Pioc, Vino Guingona y Frederick Atilano, City Administrator Mario Yanga, Acting City Police Director Col. Alex Lorenzo, Task Force Zamboanga Chief Col. Randolph Rojas, MBLT 11 Commander LtCol. Ronald Urbano y maga represntante deste Naval Forces Western Mindanao, Philippine Air Force and Philippine Coast Guard. (Cristine Falcasantos, photo courtesy of City Government of Zamboanga Facebook page)