200 Pinoy na bumalik ng bansa matapos dumalo sa isang religious gathering sa Malaysia patuloy ang contact tracing

Nagpapatuloy ang contact tracing ng mga otoridad sa 200 Filipinong bumalik sa bansa matapos na dumalo sa isang Muslim gathering sa Malaysia kung saan may nagpositibo sa coronavirus disease (COVID-19).

Sinabi ni Health Undersecretary Maria Rosario Vergeire, patuloy ang pakikipag-ugnayan ng Dept. of Health (DOH) sa mga otoridad upang matunton ang kinaroroonan ng mga nabanggit na Filipino.

Matatandaang napaulat na nasa 16,000 indibidwal mula sa iba’t-ibang bansa na dumalo sa naturang religious activity ang pinayuhang magpasailalim sa COVID-19 test matapos na magpositibo ang isang dumalo sa naturang aktibidad sa COVID-19.