Davao City – Gipangdakop ang baynte (20) ka mga indibiduwal nga nasakpang nagpahigayon ug birthday party sa usa ka resort sa Catalunan Pequeno ning siyudad atol sa pagpatuman sa random inspection sa mga ginsakpan sa Davao City Police Office (DCPO) ug City Tourism Operations Office (CTOO) sa mga resorts establishment niadtong milabay nga Domingo, Setyembre 12.
Naabtan sa inspection team ang 20 ka mga indibiduwal nga naa sulod sa MB Family Resort nga nahimutang sa Purok 1 km. 13, Catalunan Pequeno nga nagpahigayon ug birthday party nga adunay mga bata. Tataw kini nga nakasupak sa minimum public health protocol nga gipatuman sa syudad sa Davao ubos sa General Community Quarantine (GCQ) with Heightened Restriction ang mga nahisugtan lakip ang resort owner.
Ang mga guests ug ang resort owner nakasupak sa Inter-Agency Task Force Resolution Number 130-A series of 2021 for the Management of the Emerging Infectious Diseases (IAT-MEID), the Department of Tourism (DOT) and the Department of Trade and Industry (DTI) Memorandum Circular No. 21-28 series of 2021 under Category III. Hugot nga gidili ang pagpahigayon ug social events ug gidili usab ang pagpaligo sa Swimming Pool ubos sa DTI advisory 21-16 Guidelines sa GCQ.
Gipaklaro ni DCPO Director Police Colonel Kirby John Kraft nga gi-andam na nila ang mga dokumento alang sa pagpasaka ug kaso sa mga nakasupak ug lakip sa tag-iya sa resort. Una na nga nagpahimangno si Davao City Mayor Inday Sara Duterte sa katawhan nga padayong mutuman sa mga safety protocols ug mugawas lang sa balay alang sa essential nga hinungdan sama sa pagtrabaho, negosyo, pagpalit og pagkaon ug medisina.
(Source: City Information Office – Davao | DCPO, photo courtesy of KAMM Media Network)