Pinag-aaralan ng DPWH kung uubrang gawing temporary medical facilities ang Rizal Memorial Sports Complex sa Maynila at PhilSports Arena sa Pasig City.
Sinabi ng DPWH na aalamin nila kung papasa sa requirements ng DOH ang dalawang sports complex.
Kinukunsider gamitin sa Philsports Complex ang multi-purpose arena at track oval nito habang sa Rizal Sports Complex ang Ninoy Aquino Stadium at Rizal Baseball Stadium na ginamit na noon bilang evacuation o bodega ng relief goods.
Mismong si Philippine Sports Commission Chairman William Ramirez ang nag-alok sa mga nasabing pasilidad na kapwa pag-aari naman ng gobyerno.