Cebu City – Patay nangĀ nahidangat sa tambalanan ang duha ka mga tawo human naigo sa kilat atol sa pagbunok sa uwan sa Purok Caimito, Barangay Poblacion, Lungsod sa Liloan.
Ang insidente nahitabo kagahapon, Mayo 30, alas 1:30 sa hapon.
Giila sa otoridad ang biktima nga sila Nisa Comendador Momo, 70 anyos ug ang laing naigo nga si Roselio Canete, 50, pulos nagpoyo sa Purok Tambis, Barangay Poblacion sa maong lungsod. Gipanag-iya ni Momo ang RC Garden nga dunay mga ornamental plants, diin naigo ang duha sa kilat.
Matod ni Police M.Sgt.. Kenneth Perocho sa Liloan Police Station nga sa ilang pasiunang imbestigasyon, mipasilong ang duha sa payag dihang mibundak ang uwan dala ang pagpangidlat.
Gidala ang duha sa Eversley Child Sanitarium Hospital sa Syudad sa Mandaue, apan wala na kini maluwas pa. (Jhon Tadlip/JTY)
(Source: Liloan Police Station)