Davao City – Malipayon ang mga magtutudlo sa Malapanit Primary School nga nahimutang sa Barangay Sto Nino, Talaingod Davao del Norte kini human nga napahigayon ang Blessing ug Turn Over 2-Classroom building pinaagi sa Kapit-Bisig Laban sa Kahirapan-Comprehensive and Integrated Delivery of Social Services kun KALAHI CIDSS CCL.
Sumala pa ni Mrs. Zenaida Adalao ang Teacher Head sa Malapanit Primary School nga ang katukuran sa duhang duha ka Classroom dako ug tabang alang sa mga magtutungha sa Sityo. Gisaysay ni Adalao nga gikan sa 61 ka mga tinun-an, tulo lamang ka mga magtutudlo ang anaa sa tunghaan human kini matukod niadtong tuig 2016.
Nasayran nga giduso na usab ni Zenaida Adalao ngadtu sa labaw sa Department of Education ang hangyo niini nga tugutan sila nga mamahimong nang Integrated School ang Malapanit Primary school aron mamahimong nang makapa enroll ang anaa sa Grade 7 ngadtu sa Grade 12.
Samtang si Sto Nino Barangay Kapitan Ronie Bucaron, mipadayag usab sa iyang gibati nga kalipay sanglit bisan sa kalayo sa Sityo Malapanit, misubida gayud ang Nasyunal nga ahensiya sa Kagamhanan aron matukod ang nahisgutang gambalay.
Sumala pa ni kapitan Bucaron nga dili na maglisod pa ang mga magtutudlo sa ilang mga tinun-an nga maghuot sa duha lamang ka Classroom sa maong tunghaan sanglit ang usa pa ka klase niini anaa lamang sa Stage sa tunghaan.
Nasayran pa gikan ni Kapitan Ronie Bucaron nga kantidad sa 11 milyones pesos ang pundong gigahin sa DSWD alang sa Pito ka mga tunghaan nga nahimutang sa sityo Basak, Salawao, Napisulan, Mesolong, Melyong, Misoloksolok ug Malapanit. Himuon miambag usab ug 200 mil pesos ang Lokal nga Kagamhanan sa Talaingod samtang 25 mil pesos usab sa Barangay Council sa Sto. Nino.
Sa katapusan, si 1003rd Brigadier General Nolasco A. Mempin nga gumikan sa Kalinaw ug Suporta sa Katawhan ngadtu sa Kagamhanan, nakabot usab sa mga molupyo sa Sityo Malapanit ang nagkalain- laing programa ug serbisyo sa Kagamhanan. Gumikan usab sa Whole of the Nation Approached ni Presidente Rodrigo Duterte, nagkahiusab usab ang mga ahensiya sa Kagamhanan aron ang mga serbisyo sama sa Panglawas, Imprastraktura, Social ingon man ang edukasyon.
Gipasalamatan usab ni Brigadier General Mempin ang Department of Social welfare and Development gumikan sa padayong pakigtambayayong niini sa Kasundaluhan pinaagi sa Eastern Mindanao Command aron matukod ang Malapanit Primary School Building pinaagi sa tabang sa 534th Engineering Construction Peacesetter Battalion ilawom sa 52nd Engineering Brigade Philippine Army.
(Michael Manguhig, RPN DXKT Davao OIC)