Segun sa report na naresibe ta galin sa DOH-CHD Bicol, darwang (2) bagong kaso kin CoViD-19 a nairehistro sadi kanatong banwaan. Sinda parehong mga taga barangay San Jose.
1.) Bicol #1738, lalaki, 23 years old, egg vendor, close contact ni Bicol #1641.
2.) Bicol #1739, babayi, 49 years old, housewife, close contact ni Bicol #1641.
Sinda po mga naka-isolate na.
Su iba pang mga close contact ni Bicol #1641 na nag-uulat ka kani-kanindang swab test result kanato naman na pinasairarom sa striktong quarantine facility isolation.
Uda sawang pakiusip ko sa ngamin na magsunod po sa mga health protocols. Utrowon ko po a diri pagluwas lalo kun buko man sanang esensyal ag importante a katuyuwan sa luwas. Kun kinakaipuwan magluwas, magsupong kin face mask, iobserba a social distancing ag pirming mag-ugas kin kamot o buong awak.
Sa liwat po, ayat ko uyan na kooperasyon ka ngamin partikularmente sa contact tracing. Diri matakot na mag-imbwelto nin huli ta para po ini sa ikararay ka kangaminan. Alagad kun agko kita impormasyon, ipaisi sa mga OTORIDAD ag mga NANUNUNGRAN nganing maiwasan ta a paglakop ka virus.
Mientras tanto, kinompirmar man kan local na gobierno kan Nabua an pagkakaigua nin sarong panibagong kaso nin covid 19 sa saindang banwaan. Ini sarong returning overseas filipino hali duman sa nasyon kan Finland asin tubong San Vicente Gurong-Gurong kan sinambit ng banwaan.
Sinabi kan DOH na saro ining asymptomatic, alagad ibinugtak naman ninda sa quarantine facility asin presenti ng naka-isolate mientras na pinagbubulong.
(OIC Melvin Barayoga, RPN DZKI Iriga)
(Source: Mayor Jeff Besenio & MDRRMO)