Dako ang pasalamat sa BPO Association of Davao Incorporated nga nakadawat na sa unang dose sa bakuna ang 1700 ka mga empleyado sa Business process Outsourcing (BPO) dinhi sa dakbayan sa Davao.
CORONAVAC’S SINOVAC maoy gibakuna sa mga empleyado sa BPO nga gihimo sulod sa 3 ka adlaw nga industry-based vaccination sa usa ka mall dinhi sa siyudad niadtong Hunyo 30 hangtod Hulyo 2, 2021.
Gipamahayag ni BPO Association of Davao Incorporated President Eric Manalastas nga dakong tabang kini nga maprotektahan ang mga empleyado samtang sila padayon nga nagtrabaho.
Sumala usab ni City Health Acting Head Dr. Ashley Lopez, mga opisina sama sa mga BPO companies ug banko ang dunay record nga taas ang covid-19 transmissions gumikan kay airconditioned ug nagacirculate lang ang hangin ug walay magawsan nga maoy hinungdan nga dali ra matakdan ang mga empleyado.
(Source: Davao City Information Office)