Nasagip ng National Bureau of Investigation o NBI ang labing anim (16) na biktima ng human trafficking sa isang upahang bahay sa Rizal Province.
Sa ikinasang entrapment operation ng NBI naaresto rin ang umano’y bugaw ng 16 na biktima.
Kinilala ang suspek na si Christian Susano na tumanggap umano ng pera kapalit ang mga ibinubugaw nitong mga babae na nagkakahalaga ng limang libo (P5,000).
Online umano ang paraan ng pambubugaw ni Susano kung saan kalahati sa kanyang mga biktima ay mga menor edad.
Nahaharap sa kasong qualified trafficking in persons si Susano habang dinala sa Deparmtent of Social Welfare and Development (DSWD) ang mga biktima.
—-