Gikompirma ni City Mayor Oscar S. Moreno nga sa miaging adlaw miabot ang 15,000 doses sa Sinovac vaccines nga gikan sa nasudnong kagamhanan alang sa COVID19 vaccine rollout sa syudad.
Sumala ni Mayor Moreno kining bag-ong miabot nga alokasyon sa Sinovac gamiton sunod semana nga rollout alang sa first dose sa priority groups A1 health workers, A2 senior citizens ug A3 adult with comorbidities.
Basi sa City Health Insurance Office – Data Management Team, anaa na sa kinatibuk-an nga 63,261 sa A1, A2 ug A3 ang nabakunahan batok COVID-19, diin 12,071 ang completed doses ug 51,190 usab ang natupokan sa unang dose.
Mapasalamaton si Mayor Moreno sa tanang volunteers sa vaccination sites, ingon man sa suporta sa pribadong sektor ilabina na SM Downtown Premier, Limketkai mall, Robinsons mall, Centrio Ayala mall, ug SM Uptown nga gipahigayon sa vaccine simulation sugod sa miaging adlaw, Hulyo 2.
(City Information Office)