(Baguio City-Bontoc, Mt. Province) Ilan sa mga frontline workers na katuwang ang gobierno sa pagdala ng serbisyo sa mga mamamayan ang hindi pa nabibigyan ng karampatang sueldo at ang karamihan sa kanila ay pawang mga volunteers katulad ng mga Barangay Health Workers o BHW.
Ito ang naging sanhi kung bakit ang lokal na gobierno ng Bontoc, Mountain Province ay nagbigay ng insentibo sa mga BHWs sa panahon ng Pasko.
May kabuuang 144 na accredited Barangay Health Workers (BHWs) ang nasabing sentro ng probinsiya na nakatanggap ng financial incentive na tag-₱5,000.00 para sa second semester ng kasalukuyang taong 2022. Ang pagbibigay insentibo ng LGU Bontoc ay isang pagkilala sa taos pusong serbisyo ng mga BHWs na malaking suporta sa iba’t ibang health programs ng gobierno.
Mismong si Bontoc Municipal Mayor Jerome “Chagsen” Tudlong, Jr., ang nanguna sa turnover ceremony noong Disyembre a 23, 2022, sa Municipal Capitol Auditorium. (RPN-Baguio/Joel Cervantes)
Photo credit: LGU Bontoc