Lumagda ang nasa 14 na mambabatas sa isang resolusyon na nagpapakita ng suporta sa pananatili Sen. Vicente Tito Sotto III bilang senate president.
Ang mga senador na pumirma ay kinabibilangan nina Sen. Manny Pacquiao, Senate President Pro Tempore Ralph Recto, Majority Leader Juan Miguel Zubiri, Senators Panfilo Lacson, Joel Villanueva, Sonny Angara, Sherwin Gatchalian, Nancy Binay, Grace Poe, Aquilino “Koko” Pimentel III, Dick Gordon, Outgoing Senators Gringo Honasan, Francis “Chiz” Escudero” at Loren Legarda.
Samantala, hindi naman lumagda si Sen. Cynthia Villar sa nasabing resolusyon.
Paliwanag ni Villar, hindi siya pumirma dahil may dalawa siyang kapartido sa Nacionalista Party na incoming senators na sina Imee Marcos at Pia Cayetano na dapat malaman aniya muna ang kanilang mga opinyon bago siya lumagda.
Sinabi rin ni Villar na kaya niya kinompronta si Pacquiao at Pimentel ay para sabihing ayusin muna ng senador ang kaniyang partido na PDP-LABAN bago lumagda dahil baka aniya may incoming senator din na may problema.
Magugunitang napaulat ang isinasagawang hakbang para itulak si Villar na maging susunod na senate president.
#TINGNAN: Pirma ng mga senador na sumusuporta sa liderato ni SP Sotto | via @blcb @OBueno pic.twitter.com/Z0g0kzdfnN
— DWIZ Newscenter (@dwiz882) June 3, 2019
