28.6 C
Manila
Friday, March 29, 2024

14 Days Quarantine Sa Mga LSI Ug ROF Dapat Kumpleto, Kag. Gacal

- Advertisement -

Negatibo ang nahimong reaksyon ni City Councilor Franklin Gacal Jr. sa kumpirmasyon sa personahe sa City Health Office ning syudad nga gipamubu na lamang ang quarantine period sa mga locally stranded individuals ( LSI) ug mga returning overseas Filipinos (ROF) tungod imbis 14 days ang quarantine period gihimo na lamang kining 7 days tungod matud pa sa pagkulang sa mga quarantine facilities sa LGU Gensan. Nahisgutan kini atoll sa question and answer hour sa regular session karong adlawa.

Matud pa ni Dra. Corazon Rodaje sa City Health nga ilang gitugutan nga makagawas gikan sa quarantine isolation facilities ang mga LSI ug ROF bisan pito pa lamang ka adlaw sa kwarintina ug makauli sa ilang mga panimalay aron magamit na usab kini sa ubang mga ROF ug LSI .

Apan wala nakauyon niini si Kagawad Jeng Gacal tungod dilikado ang maong mga ROF ug LSI nga magpositibo nga wala mahuman ang 14 days nga quarantine period ug posibling mo develop ang gitawag nga assymtomatic kon positive apan walay simtomas sa covid 19.

Gidugang ni Gacal nga sakto ang budget sa syudad nga ilang giaprobahan para sa mga isolation ug quarantine facilities susama sa mga hotel, eskwelahan ug uban pang mga pasilidad dinhi sa syudad nga sarang temporaryong kapuy –an sa mga LSI ug ROF nga manguli sa Gensan karong panahona .

Samtang dugang gipasabot usab ni Dra. Corazon Rodaje nga subay sa gikasabutan sa mga LGU Officials gipangunahan ni Mayor Ronnel Rivera ug mga Barangay Officials nga panahon nga makulang ang quarantine facility sa City ang i-augment kini sa mga barangay pinaagi sa mga eskwelahan ug mga government buildings apil na ang sports complex sa barangay Calumpang .

Bisan sa maong pagpasabot sa City Health, nanawagan si Kagawad Gacal nga angayang ipakumplito ang 14 days quarantine period hinungdan nga gikanayon ni Dra. Rodaje nga iyang I – refer kay Dra. Jet Oco ang City Hall Officer sa Gensan aron makumplito ang pag kwarintina sa mga LSI ug mga ROF nga manguli sa Gensan ug tun-an pag usab ang maong proseso sa mga hanas nga mga mananambal sa syudad .

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -