CAGAYAN DE ORO CITY- Ang Cagayan de Oro Task Force against Covid-19 nanawagan sa mga business establishments nga bag-o lang gitugtan pagbukas pagbalik dinhi sa syudad sa strikto nga pagsunod sa local omnibus guidelines silong sa modified general community quarantine sa tinguha nga mapanalipdan ang publiko gikan sa gikaintapang coronavirus disease.
Ang business establishments nga nahisukip sa guidelines nag-apil na sa spas ug massage clinics, gyms, fitness centers, internet cafes, pisonets, barbershops, salons, nail service establishments, ukay-ukay, billiards halls, tutorial or review centers, bars, videoke joints, beach resorts ug daghanan pang uban.
Ang nasangpit nga mga establisemento gihatagan sa lahi nga guidelines tungod sa managlahi nga nature sa ilang mga negosyo apan hinuon adunay common provisions sama sa mandatory nga paggamit sa face masks, physical distancing, hand disinfection o sanitizing areas, body temperature inspections, foot baths, ang required barangay exit passes, ug health clearances alang sa mga workers.
Ang mga opisyal nagkanayon nga ang mga establishments nagkinahanglan usab sa pagdisplay sa ilang business permits, pagbutang sa garbage disposal system nga aprobado sa City Local Enviroment and Natrual Resources (CLENRO), logbook sa pagrecord sa mga ngalan ug contact information sa mga kliyente.
Gipahimumduman usab ang mga establisemento sa pagpahimutang sa insakto nga lighting ug ventilation, CCTVs ug bisan ang pagbutang sa tray alang sa cash payments ug recibo.
Matud pa sa task force nga kadtong mga masinupakon nga establisemento ang ipatawag o pasirhan.
-Gin Serohijos-