30.9 C
Manila
Friday, March 29, 2024

Presio Ti Purified Water Ken Dagiti Dadduma Pay A Kangrunaan A Produkto, Masapul A Mabantayan

- Advertisement -

Ginutigot ni Sen. Imee Marcos ti Department of Trade and Industry wennu DTI a mangisayangkat ti naiget a monitoring kadagiti ‘’water refilling station’’.

Segun kenkuana, naruay dagiti maaw-awat ti opisinana a reklamo pakairamanan ti nangina a presio ti ‘’purified water’’ ken ti narugit a pagyanan ti danum.

Imbatadna a ti agdama ket adda pay laeng iti kangitingitan  ti ‘’pandemic’’ ken ti napateg ket ti salun-at ti tunggal maysa.

Mainaig iti daytoy, kunana a nasken a siguradoen a ti gatgatangen ken in-inumen a danum manipud kadagiti ‘’water refilling station’’ ket nadalus.

Inlungalong pay ti senador nga adda ti maituding a Suggested Retail Price’’ wenno SRP para iti danum.

Nag-apela ti senador para iti pannakaiyuswat ti regular nga inspeksion kadagiti ‘’water refilling station’’ tapno masigurado nga agtungtungpal dagitoy kadagiti paglintegan kas iti panagipaskil iti sanitary permit pakairamanan ti resulta ti ‘’monthly bacteriology water examinations’’.

Impettengna a nasken a masigurado a reglar a masuksuktan ti filter ti danum gapu ta delikado daytoy iti salun-at dagiti costumers.

Inlungalong pay ni senador Imee a maisayangkat ti maiyannatup a seminar ken training kadagiti empleado dagiti water refilling station nangnangruna iti daytoy a panawen a panagprobproblema iti COVID-19.

Innayunna a nakapatpateg ti nasayaat a pannakaugas ti water container, panagusar ti maiyannatup a ‘’working garment’’ ken personal protective gear kas iti hairnets,face mask ken apron iti uneg dagiti water refilling station.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -