13 Ka Socialized Housing Projects Nga Inisyatiba Sa Simbahan Gi-Turn-Over Sa Syudad

0
62

Cagayan De Oro City – Hingpit na nga gitugyan sa Social Action Center-Archdiocese of Cagayan de Oro ngadto sa lokal nga pangagamhanan sa syudad sa Cagayan de Oro ang 13 ka socialized housing projects aron mas maatiman ug mapalambo pa ang maong mga relokasyon, kini tapos nagpirmahay sa Deed of Donation, Acceptance ug Memorandum of Agreement niining bag-o ang syudad pinaagi ni Mayor Oscar Moreno ug Archbishop Antonio Ledesma ug Social Housing Finance Corporation pinaagi ni Engr. Felman Gilbang, ang SHFC Head for Mindanao.

Ang maong proyekto namugna tapos mihapak ang Bagyong Sendong niadtong 2011 diin liboan ka mga kagay-anons nawad-an sa panimalay tungod sa baha. Kini nga relocation projects natukod sa barangay Lumbia, Balubal, Indahag, Canitoan ug Camaman-an diin adunay 13 usab ka mga homeowners association ang namugna.

Nasayran nga kini nga mga proyekto ubos sa SHFC pinaagi sa Community Mortgage Program diin gibayaran sa mga benepisyaryo ang balay. Alayon niini, gipasalig ni Mayor Moreno nga ang syudad na ang mogasto sa site development sa maong mga relocation sites aron makunhuran ang gasto sa mga benepisyaryo.

Dugtong niini, nagpasalamat si Archbishop Ledesma sa gihimong pagtabang sa mga benepisyaryo diin bisan sa kakulangon sa ilang expertise, nahimo gihapon nila ang maong lakang pagtabang sa panginahanglanon sa balay ug relokasyon uban usab sa pag-abag sa local government sa Cagayan de Oro. (Cagayan De Oro City Information Office)

Leave a Reply