100,000 pamilya naitalang apektado ng Taal

Umabot na sa halos 100,000 pamilya ang apektado ng nagpapatuloy na aktibidad ng bulkang Taal.

Ayon sa tala ng National Disaster Risk Reduction and Management Council (NDRRMC), ito ay mula pa noong pumutok ang bulkan noong Enero 12.

Samantala, umabot na sa higit P3B ang halaga ng pinsala sa agrikultura.

Umabot naman sa halos P60M ang ayuda na naibigay sa mga apektado.