Tagdaya sa Caraga Regional Hospital an driver sa Fuso 10-wheeler truck nga nakarehistro sa JR-LYN TRUCKING SERVICES/LYN MANTE RAMOS kini human na disgrasya sa National Highway, Purok 3, Brgy. Lower Libas, Tagana-an, SDN sa alas 12:10 sa kadlawon sa Sabado, Nobyembre 21, 2020.
Nakilay-an an driver nga si RICO DURAN PARAN, layaki, 25 anyos, residente sa Quezon, Bukidnon hampan an ija helper na jaon ra sa marajaw na kahimtang an nakilay-an nga si Ryan Artajo, layaki, 27 anyos, ulitawo, residente sa Tagum City.
Sa imbestigasyon sa kapulisan sa Taganaan nasayran nga ang truck nagbiyahe pasingod sa siyudad nan Surigao. Pag-agi sa lugar sa nahitaboan an aksidenting nawad-an nan kontrol ang driver tungod sa kadanlog sa dayan nga miresulta sa pagliko pasingod sa waiting shed ug nadasmag sa bayay nga gipanag-iya sa isa ka Esteven Viol.
Grabe an nahiagom na mga samad sa lain-laing bahin sa lawas an driver nga dali tagdaya sa Caraga Regional Hospital para na sa pagpatambay samtang an truck an guba usab ug waya pa masayri an damage. Mag-atubang sa kasong Reckless Imprudence Resulting to Damage to Property an driver sa truck. (Mark James Lisondra, Ronda 21, RPN DXKS Surigao)