Nahimong malamposon ang pagpahigayon sa “Dipolog Triathlon 2023” niadtong nakalabay nga Mayo 6 ug 7, ning tuiga dinhi sa dakbayan sa Dipolog.
Taliwala sa kainit sa panahon, padayon gihapon ang maong dula nga gisalmotan sa mokabat 556 ka mga partisipantes sa adult caregory gikan sa nagkalain-laing dapit dinhi sa nasud.
Sa Mayo 6 (Sabado) gipahigayon ang Triathlon (Kids category) gikan sa alas 6:00 ang takna sa buntag, hangtud na sa pagka udto nga mao ang pagpahigayon sa “Awarding Ceremony” alang niini.
Samtang sa pagka Mayo 7, (Domingo) gipahigayon usab ang Triahtlon (adult category) nga gisalmotan sa 556 ka mga partisipantes gikan sa nagkalain-laing dapit dinhi sulod sa nasud, nga nagsugod sa may alas 6:-00 ang takna sa buntag.
Samtang gisunod dayon ang Awarding Ceremony sa pagka ala una sa hapon sa susamang adlaw didto sa Boulevard Function Hall, nga gitambongan mismo ni City Mayor Darel Dexter T. Uy.
Masud-ong gikan sa panagway sa mga magdudula ang ilang kalipay dinha sa pagsalmot sa maong paugnat sa kusog, gani sila ang misaad nga mobalik dinhi sa atong siyudad sa sunod tuig alang sa laing hugna sa Triathlon nga subling ipahigayon sa kagamhanang lokal sa siyudad, tungod kay ang atong dakbayan alang kanila maoy usa ka maayong venue alang ning maong matang sa paugnat sa kusog.
Source: DIPOLOG CITY GOVERNMENT Facebook page