Temporaryong gipahimutang sa Carmen National High School ang mga biktima sa usa ka sunog kagabii nga miugdaw sa 10 ka panimalay sa may Zone12A Mano-mano Zayas Landfill Carmen ning syudad kagabii.
Nakadawat ang nga biktima ug pasiunang tabang gikan sa local nga panggamhanan sa Barangay Carmen nga gipangulohan ni Punong Barangay Rosemary Lorna V. Uy inabagan sa CSWD, BNS, BHW, Day Care Teachers, kauban ang mga personahi sa City Mayor’s Office.
Lakip sa mga nadawat sa biktima mao ang Bugas, gamit pang kusina sama sa plato ug kaldero, mga tent, habol ug banig ug uban pa.
Dumduman nga gikaon sa kalayo mukabat 10 ka panimuyo sa maong dapit diin Charger sa Cellphone ang gidudahang hinungdan.
Sa pagkakaron, padayon pa ang imbestigasyon sa otoridad kabahin sa maong insidente.
Written by Cheleste Simene
Photo by Brgy. Carmen Council