La Trinidad, Benguet –
Binigbig ken pinadayawan ti lokal a gobierno ti La Trinidad dagiti Army Reservist kagiddan iti naangay a flag raising ceremony sadiay Municipal Gym idi kalman, September 8, 2025.
Gapu daytoy iti humanitarian wenno bulontaryo a serbisyo nga ipapaay da iti munisipyo.
Karaman kadagiti voluntary services dagitoy ket iti search and rescue operation, community services, clean up drive ken dadduma pay.
Kinomendaran met ni Mayor Roderick Awingan dagiti reservist gapu iti agtutuloy a kontribusyon dagitoy iti nasao nga ili ken panangsuporta da iti binnadang program ti munisipyo.
Mainaig iti dayta, indauluan pay ti Mayor iti pinning of ranks dagiti napromote nga army reservist gapu iti dedikasyon da a tumulong kadagiti umili.
Ti umuna a lawas September ket maramrambakan kas National Armed Forces of the Philippines Reserve Force Week.
-Dhenver Bastingo-