29.5 C
Manila
Friday, March 29, 2024

₱650M Aprobado Para Sa Kampanya Sa Covid-19

- Advertisement -

CAGAYAN DE ORO CITY- Giaprobahan kagahapon sa session sa konseho ning dakbayan ang supplemental budget nga moabot sa P650 milyones nga gamiton alang sa pagsumpo batok sa coronavirus disease. Matud pa ni City  Budget Officer Percy Salazar nga P500 milyones sa maong pundo gamiton isip standby food sa higayon nga mohamtong pa sa grabeng sitwasyon ang idulot sa maong sakit samtang ang 50 milyones alang sa infrastructura sama sa pagpahimutang sa isolation ug quarantines area dinhi sa syudad.

Kabahin sa P500 milyones mao ang cash assistance nga base sa Joint Memorandum Circular No. 1 series of 2020 sa Department of Social Welfare and Development, Department of Labor and Employment, Department of Agriculture,  Department of Finance, Department of Budget and Management ug sa Department of the Interior and Local Government.

Sa joint memorandum pinaagi sa Emergency Subsidiy Program, ang gobyierno mohatag ug cash o non-cash subsidy sa 18 ka milyon nga household beneficiaries sa kantidad nga P5,000 ngadto sa P8,000 matag bulan sud sa duha ka bulan alang  sa basic food,  medicine ug toiletries.

Sa pikas bahin, ang kapin P108 milyon alang sa economic sector projects nga dili kabahin sa Covid-19 nga una ng giaprobahan sa miaging session sa konseho, sumala pa ni konseho Ian Nacaya.

Ang P650 milyon nga kantidad giaprobahan sa mayoryiang sakop sa City Council subay sa pagsugyot ni City Mayor Oscar Moreno.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -