Davao de Oro – Opisyal na nga giturn-over mismo ni Gov. Jayvee Tyron Uy ang bag-o nahumang “₱ 5.43 Million Warehouse with Solar Dryer” ngadto sa Laak Multi-purpose Cooperative (LAMPCO) diha sa Brgy. Kilagding Laak, nga apil sa unom ka mga PRDP Sub-projects nga nahuman pagpatrabaho sa probinsya karong tuiga.
Sa milabayng Biyernes opisyal nga gitunol ni Gov. Tyron Uy ngadto sa mga dagkong opisyal ug sa mga miyembro sa LAMPCO ang bag-o nahumang “₱ 5.43 Million Warehouse with Solar Dryer” nga package 5 sa I-REAP Sub Project sa PRDP.
Pinakaulahing report sa opisina ni PEO Chief Engr. Rhoderick Digamon nag tug-an sa unom ka mga PRDP Sub Projects nga nahuman pagpatrabaho sa probinsya karong tuiga nga naglangkob sa “5 units Warehouse with Solar Dryers –₱ 26.756 Miliion” ug sa 11.5 KM nga “Cabinuangan-Magangit Road Concreting” sa New Bataan nga miabot og ₱ 191.119 Milyones ang nagastong pundo sa gobyerno.(Gilbert M Cabahug, PAO-ID Davao de Oro | OIC Michael Manguhig, RPN DXKT Davao)