Mahatagan na og indemnification cash assistance ang unang batch sa mga hog raisers ning syudad nga naapektuhan sa African Swine Fever (ASF) human gitunol sa Department of Agriculture (DA) ngadto sa syudad ang tseke nga mokantidad sa ₱ 10,810,000.00 milyones.
Ang ceremonial awarding sa indemnity check gipahigayon sa University of Science & Technology of Southern Philippines (USTP), uban sa mga kadagkuan sa DA sa pagpangulo ni Asec. for Agribusiness and Marketing Kristine Y. Evangelista, Regional Director Carlene Collado, Regional Technical Director Carlota Madriaga, City Councilors Jay Roa Pascual ug Girlie Balaba.
Adunay 637 hog raisers alang sa first batch ang mahatagan diin matag usa makadawat og ₱ 5,000 per head sa baboy nga na-culling.
Sa kinatibuk-an, moabot sa 1,158 hog raisers ang naapektuhan sa ASF basi sa record sa Agricultural Productivity Office (APO) ug City Veterinary Office diin tanan sila makadawat og indemnification cash assistance gikan sa DA. (City Veterinary Office)