Arestao el tres personas ayer aga por el violacion del Republic Act 9165 or mas conocido como el Comprehensive Dangerous Drugs Act of 2002.
Por medio del combinao operación del Special Operation Unit 9,PNP DEG,City Drug Enforecement Unit,ZCPO Y CIDG na un campanya contra droga ilegal na Sitio Panzulan,P. Barangay Bolong, este ciudad, ya aresta con con maga suspechao identificado como canda Suji Taring Sali,cuarenta’y seis anios el edad, kasao, pescador y residente de Sitio Pansulan Barangay Bolong; Satra Aning Abdul,cuarenta anios, viuda y residente Barangay Cabaluay este ciudad y si Aksa Taliblan Arabasa,treynta’y ocho anyos el edad,peskador y un residente también de Barangay Cabaluay.
Maga pulis ya puede confisca con el tres maga suspechao , sincuanta gramo de alegao shabu que tiene el valor de tresiento cuarenta mil de pesos , un keypad cellphone y un pedaso de quiniento pesos markao sen.
Si Salí y su dos pa otro maga uban detebido ahora na SOU 9, PNP DEG, myentras esperansao planta el propio caso contra canila. (April Boy Regino)