El pulisya local ay planta asunto con el cahera del Montesori de Zamboanga for falsification of public documents.
Este despues ya descubri el pulis cay hinde verdad ya man hold-up con el cahera, conosido como si Maria Jeddah Abriera, 33 anios el edad.
Si Abiera ya reporta del Junio nueve na Police Station 11 cay ya man hold-up conele maga desconosidos personas cuando ya munta le na tricycle na vicinidad del pantalan y ya deja conele na calle campaner.
Asegun con Abiera el maga suspechao forsaomente ya saka el uno punto tres milyones de pesos que ta carga ele akel tiempo.
Pero ya descubri el investigador del incidente cay hinde ta habla el verdad si Abiera cuando ya man review ele el video del mga CCTV na maga lugar onde ya pasa y onde ya deja el maga suspechao con el victima durante el incidente.
Cuando ya avisa el pulis con Grace Perez, el duenio del uno punto tres milyones de pesos, ya habla si Perez cay ya dale le el total cantidad de dos punto dos milyones de pesos con Abiera del Abril para man invest na un construction company.
Pero ta duda si Perez cay nuay entrega si Abiera con el dinero na companya de constuccion.
Porcausa del cosa ya descubri el investigador del caso, esperansao planta asunto el pulisya contra con Abiera. (Jennyrose Delos Santos)