Ta construji ahora el govierno local un veterinary clinic y animal disease diagnostic laboratory alli na matadero del ciudad na Barangay San Roque.
Ya anuncia el alcalde Maria Isabelle Climaco-Salazar cay ya aloca el ciudad el cantidad de veinte million de pesos para el proyecto.
Asegun con Salazar cay este proyecto ta sirvi este parte del plano del ciudad para na mejoras del servicio de veterinaryo.
Mas ay mejora el servicio del City Veterinarian Office si ay completa ya el este proyecto.
El alcalde hunto con el veterinaryo del ciudad, Dr. Mario Arriola ya encabesa con el groundbreaking ceremony del martes que to indica el principio del mismo proyecto.
El fondo para el implementacion del proyecto estaba na Executive Legislative Agenda del 2019, que ya suspende por causa del pandemia. (Jennyrose Delos Santos)