Seis bandido Abu Sayyaf voluntaryamente ya rindi con maga authoridad na provincia de Sulu.
Si Police Coronel Richard Verceles, operations chief del Area Police Command-Western Mindanao, ya nombra con el seis Abu Sayyaf quien ya rindi como el siguientes: Samir Baddiri Undali; Eddie Anuddin Antuyan; Moh. Marvie Mauldani Bahjin; Satrina Gappal; Walda Misuari Basser; and, Sirad Aidarus Jumadil.
Si Verceles ya habla cay ya rindi sila voluntaryamente con el mando del 84th Special Action Company (84SAC) maga alas onse y media Huwebes aga na Campo Julasirim Kasim alla na Barangay Asturias, Jolo, Sulu.
Si Verceles ya habla cay el rindida del seis Abu Sayyaf ya facilita el 84SAC, National Intelligence Coordinating Agency, and Military Intelligence Group por medio del programa “SAF CARES”, un program contraterorismo.
El objeto del programa SAF CARES amo para lleba paz y desarollo de socio-economico na comunidad tiene designao maga personasjes del Special Action Force. (Bong Garcia, Jr., photo courtesy of Area Police Command-Western Mindanao)