Taghatod mismo ni Mr. Uriel Correos an acting CPDO coordinator, an update sa taghimo na trabaho sa 20 million pesos electronic security and surveilance system kun mas kilaya na CCTV project phase 1.
Tagbutyag ni Mr. Correos nga an naasoy na project nag-langkob sa instalasyon nan 45 ka mga CCTV cameras lakip na an pag-establisar sa command center sa thirdfloor nan City Disaster Risk Reduction and Management Office kun CDRRMO building suyod nan integrated terminal sa Brgy. Luna ciudad nan Surigao, lakip na isab niini an pag-training sa mga personahe na motawo sa command center 24/7.
Tagsumpay isab pag-report ni Mr. Correos na bisan kun human sa phase 1 nan project sa electronic security and surveilance system, dili pa ini mapaandar tungod sa pipila kakuyang para mahingpit an systema pareho nan air conditioning units sa command system lakip isab mismo an main sanan back-up power supply.