Tatlo patay sa sunog sa Wisconsin

Patay ang tatlo katao matapos masunog ang isang home for intellectually disabled people sa Wisconsin sa Estados Unidos.

Ayon sa mga otoridad, nagsimula ang apoy bandang alas sais ng umaga.

Dalawa sa residente nito ang nakatakas matapos sumiklab ang apoy at agad na tumawag ng bumbero.

Natagpuan naman ang labi ng mga nasawi sa ikalawang palapag.

Hanggang sa ngayon ay inaalam pa rin ang pinagmulan ng apoy at bubusisiin din kung gumana ba ang smoke alarms ng naturang pasilidad.