Presidente ng India dadating sa bansa para sa limang araw na state visit

Kasado na ang bilateral meeting nina Pangulong Rodrigo Duterte at Indian President Ram Nath Kovind bukas araw ng Biyernes sa Malakanyang.

Inaasahan na ang pagdating ng Presidente ng India mamayang hapon para sa limang araw nitong state visit sa bansa.

Posibleng talakayin ng dalawang lider ang mutual interest ng parehong bansa kaugnay sa political, economic, cultural at people to people engagement.

Samantala, si President Kovind ang ikatlong presidente ng India na magkakaroon ng state visit sa bansa kasabay narin sa paggunita sa ika-70 taong relasyon ng dalawang bansa.