Winter Wonderland Concept Sa Pasko Fiesta Laumang Dagsaon Sa Torista
November 9, 2018
Senator Honasan tinanggap na ang alok na DICT post
November 9, 2018
Show all

DXKS Surigao
Nationwide Nga Pag-Patuman Sa Suggested Retail Price Alang Sa Mga Bugas, Ipatuman Karon Sa Nfa Sa Probinsiya Sa Surigao Del Norte

Kagahapon sa paglibot sa radyo ronda, kini may kalabutan sa nationwide nga pag-patuman sa suggested retail price, nakita nga wala pa gyud mituman ang mga retailer sa suggested retail price nga gi-pakanaog sa gobyerno mahitungod sa presyo sa mga bugas.

Nagpa-biling anaa sa kamahal pa gihapon ang mga bugas ug adunay nagka lain-laing mga pangalan. Karong adlawa mao ang istriktong pagpatuman sa SRP sa bugas nga maoy mando ni Sec. Piñol apan diri sa dakbayan sa Surigao mo-utro pa pag-libot ang mga kadumalahan sa National Food Authority (NFA) sa mga tindahan, partikular na sa merkado publiko aron sa pag-susi kun sakto ba ang mga label sa presyo ang gipang-butang sa mga manindahay kun mga retailer sa bugas.

Gikinahanglan gayud nga mutuman ang mga retailer sa ipatuman nga SRP aron mahalikay sa silot kun multa o ipa-sirado ang ilang mga tindahan base na sa price act, sa ingon ani nga paagi nga pag-patuman, dakong posibilidad nga dili na kaayo mabug-atan ang mga mamalitay ug bugas kay mu-kunhod na ang presyo niini dili lang ang NFA lakip na ang premium rice, well-milled rice ug uban pang klase sa bugas.

Gi-siguro usab sa Department of Agriculture nga dili ma-alkanse ang mga mag-uuma sa maong pag-patuman sa SRP sa bugas. Sumala pa ni Ms. Girlie Enoya ang Senior Enforcement Investigation Officer sa NFA nga kagahapong adlawa aduna nay pag-patawag sa mga retailer para ma-hatagan sila ug information dissemination mahitungod niini.

Apan sa karon nga ipahigayon nga pag-patuman, ang NFA usa ang mag-libot karon ug wala pa ang Derpartment of Agriculture ug ang Department of Trade and Industry tungod kay wala pay direktiba ang duha ka nasangpit nga mga buhatan gikan sa ilang mga kadagkuan.

RPN
RPN

Leave a Reply

Your email address will not be published. Required fields are marked *