GENERAL SANTOS CITY— LUYO pa man nga gitawag nga “willing victim” ang mga nag-investment sa managlahing investment scheme, kinahanglan gihapon nga protektahan sa lokal nga panggamhanan ang katawhan.
Kini ang giluwatang pamahayag ni GenSan City Mayor Ronnel Rivera mahitungod sa nanggawas nga investment scheme sa dakbayan.
Giklaro ni Mayor Rivera nga bisan ug daghang mga investment scheme ng nanggawas na karon sa dakbayan kung walay reklamo, dili makapahigayon og aksyon ug imbestigasyon ang lokal nga panggamhanan.
Subay niini, giangkon ni Mayor Rivera nga adunay positibong dala ang paggawas sa mga investment scheme sa Gensan sama sa paglambo sa ekonomiya.
Saysay niini nga base sa iyahang obserbasyon, duna na’y igong purchasing power ang katawhan tungod sagad ang aduna nay kapasidad nga mo-byahe, makapalit sa mga gusto ug makit-an nga adunay kwartang naga-circulate matag adlaw.
Apan pahinumdum sa Mayor nga nga dili tanang investment ang nagmalampuson sama sa nahitabo sa PPM kung asa adunay daghan ang nahimong biktima.
Tambag niini, nga dili isugal ang savings sa pamilya kundili kato lang salapi nga sobra na sa pagkumpleto sa nag-unang panginahanglanon sa pamilya.
(Photo from the Web)