Duterte itinalaga si Jesus Melchor Quitain bilang OIC ng tanggapan ng SAP

Itinalaga ni Pangulong Rodrigo Duterte si Office of the President Undersecretary Jesus Melchor Quitain bilang officer in charge of the Office of the Special Assistant to the President (SAP).

Pinalitan ni Quitain si SAP Christopher Bong Go na nagbitiw sa kaniyang posisyon para tumakbo sa 2019 midterm elections.

Una rito, inihayag ng pangulo na si dating beauty queen contestant Police Senior Inspector Sofia Loren Deliu ang magiging kahalili ni Go.

Ngunit kalaunan ay nilinaw ni Go na hindi si Deliu ang kaniyang kapalit.