- Advertisement -
Naniniwala si Department of Budget and Management (DBM) Sec. Benjamin Diokno na resulta ng desisyon niyang huwag maglabas ng road users’ tax ang sigalot nila ngayon ng Kamara, patungkol sa isyu ng umano’y isiningit na mga pondo sa 2019 national budget.
Ayon kay Diokno, mismong kay Pangulong Rodrigo Duterte niya natanggap ang direktibang huwag maglabas ng pondo na nagkakahalaga ng mahigit P45 billion, pending ang abolisyon ng road board.
Matatandaang, inaprubahan na ng dalawang kapulungan ng Kongreso ang panukalang batas na nagpapabuwag sa nasabing road board.
Nabatid naman na si House Minority Leader Danilo Suarez ang siyang naghain ng resolusyon sa Kamara upang isagawa ang question hour kay Diokno.
- Advertisement -