Mangipamatmat laent iti napinget ken napudno a panagserbi ni Gobernador Matthew Marcos Manotoc kadagiti kailian.
Daytoy ket kalpasan dagiti nagsasaruno a pammadayaw a naipaay iti Provincial Government ot Ilocos Norte iti Liderato no Gob. Matthew Marcos manotoc kas panangbigbig kadagiti napipintas a nagapuananna.
Maibilangen ditoy iti naawatna a Plaque of Appreciation manipud iti Dept. of Justice-Parole and Probation Office Region One gapu iti dakkel a kontribusion ken supurta ti probinsia kadagiti programa ken proyekto kangrunaanna kadagiti parolees ken dagiti kliente da nga adda iti babaen ti probation.
Nakaawat pay ti Provincial Government of Ilocos iti ‘’Madaydayaw Awards’’ nga inbagian ken napan inawat ni Ms. Aleth Claire Hernando ti Office of the Barangay Affairs ken MINC Office babaen met ken ni Mr. Cipriano Martinez.
Inpaay ti overseas workers welfare administration regional welfare office one idiay San Fernando City, La Union ti Madaydayaw Awards gapu iti Hatid Sundo Operations kadagiti overseas Filipino workers ken returning overseas Filipino iti probinsia kabayatan iti kangitingitan ti covid 19 pandemic.
Gapu iti daytoy, dakkel a pakaragsakan iti ama ti probinsia gapu ta makita dagiti napipintas a magapgapuanan iti babaen ti administrasion na a dagitoy a pammigbig ket isagut na met laeng kadagiti kailian. (Rod Sadian)
(Source: Provincial Government of Ilocos Norte)