32.3 C
Manila
Friday, October 7, 2022

Batac: Ilocos Norte Little League Baseball, nakastrek iti finals iti Philippine Baseball League

- Advertisement -

Sinaludaran ni Gob. Matthew J. Marcos Manotoc dagiti kameng ti Little League Baseball ti Ilocos Norte a nangabak iti Philippine Baseball League ditoy Amianan a Luzon a naisayangkat idiay Ilagan, Isabela.

Immun-una ngem iti daytoy, inabak ti Ilocos Norte ti Ilagan Divilacan iti score a 16-0.

Ibilang ti gobernador a dakkel manen a pakaidayawan daytoy ti probinsia nangnangruna iti benneg ti ay-ayam.

Mainaig iti daytoy, impadanonna pay ti panagyamanna kada Mr. Faivo Bartolome, Sports Consultant ti gobierno probinsial pakairamanan ni Mrs. Helen Rose Domingo nga Sports Development Officer ti probinsia ken dagiti sumagmamano nga sports officials ti Department of Education Division of Ilocos Norte a naanus a mangkuykuyog kadagiti ubbing.

Kabayatanna, inpakaammo ni Bartolome a gapu iti daytoy a panangabak ti nasao a team ti probinsia ket nakastrek dagitoy iti Finals a naituding a maisayangkat idiay Dasmarinas, Cavite manipud Hunio tres agingga iti Hunio sais.

Mainaig iti daytoy, inpakaammona a naituding nga agturong dagitoy idiay Cavite iti masungad a Hunio primero.

Innayonna a ti agkampeon ti mangibagi iti Pilipinas iti Asia Pacific Championship a maisayangkat idiay South Korea.

Author: Irene Ringor

Source: PGIN

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -