Batac: Basura Exchange School Tiangge wenno best a proyekto ti Barangay Poblacion Burgos, agtultuloy

0
131

Napagtalinaed ken agtultuloy ti Basura Exchange School Tiangge wenno BEST a proyekto ti Barangay Poblacion Burgos, Ilocos Norte.

Visit RPN DZRL Batac

Daytoy ti inpannakkel ni Punong barangay Jojie Jimenez kalpasan a napintas iti resulta ti nadakamat a proyekto gapu ta adu payen a lugar ti nangadaptar iti daytoy.

Kunana a nangrugi ti basura exchange school tiangge idi 2019 ken nagtultuloy agingga a nagpandemic idi Marso 2020 a temporaryo a nakaisardengan na gapu ta awan iti face to face.

Nupay kasta, kunana a baliw nga inrubwat da idi june 2021 a nanglukatan da kadagiti umili a mapan agipasukat ti plastic iti grocery items ti kada aldaw iti Martes ken Huwebes.

Iti baet daytoy, inlawiawagna a pinagbalirf’dan ti nasao a programa a BEST on Wheels nga isudan ti dumanon a mangsukat kadagiti plastic a basura gapu ta adu pay laeng dagiti saan a makaammo.

Inpalgak ni jimenez a binulan met a mangmangted iti supply a grocery items ti Energy Development Corporation nga agpateg iti 10 a ribu a pisos.

Kunana nga adda pay dagiti individual a mangmangted iti tulong malaksid pay kadagiti gagayyem da manipud idiay ballasiw taaw para jti Best on wheels a programa ti Brgy. Poblacion iti ili a Burgos.

Mainaig iti daytoy, naiget met iti panangsupurta ni Gob. Mathew Marcos Manotoc iti nadakamat a proyekto gapu ta maysa daytoy a pangalay ay iti problema ti basura ditoy Ilocos Norte. (Rod Sadian)

(Source: Provincial Government of Ilocos Norte – Communications & Media Office)

LEAVE A REPLY

Please enter your comment!
Please enter your name here