Moabot na sa ₱ 4.5 milyones ang na-release sa syudad alang sa indemnification cash assistance sa mga hog raisers gikan sa 18 ka mga barangay nga naigo sa African Swine Fever (ASF) human na-culling ang ilang mga binuhing baboy.
Sa listahan sa Anti-ASF Task Force sa syudad, nasayran nga 21 na ka mga barangay sa Cagayan de Oro ang nagpositibo sa ASF ug adunay 782 ka mga hog raisers ang naapektuhan.
Matag farmers makadawat og ₱ 2,000 per head sa baboy nga gi-cull isip tabang sa syudad.
Gipasabot ni acting City Veterinarian Dr. Lucien Anthony Acac nga ‘on process’ pa ang indemnification cash assistance sa mga farmers sa tulo ka mga barangay.
Nadugang karon sa nagpositibo sa ASF ang Barangay Kauswagan ug laing kaso na usab sa barangay Indahag, Carmen ug Bulua.
Gawas sa ₱ 2,000 sa syudad, makadawat usab ang mga farmers og ₱ 5,000 indemnification cash assistance per head sa baboy nga na-cull gikan sa Department of Agriculture. (DA-10)