El Zamboanga City Police Office (ZCPO) ya entrega mga señales de trafico na un escuela na costa este del ciudad, asegun con el ZCPO del Jueves.
El entregada del mga señales de trafico del Jueves na escuela de elementaria del Barangay Sangali ya encabesa mismo si Coronel Kimberly Molitas, el jefe del ZCPO.
Asegun con el ZCPO, el entregada del mga señales de trafico ta refleja el ta continua colaboracion entre el mga enforsadores de ley y autoridad de escuelas para fomenta un seugrao y suportivo ambiente de aprender.
Durante el ceremonia de entrego, si Molitas ya destaca el importancia del ley de republica numero 11313, conocido como el “The Space Safe Act”.
Ya enfatiza tamen si Molitas el necesidad para respeta el mga estudiantes con el reglamentos de trafico y mantene un ambiente de segurao escuela.
El evento ta demostra el exitoso dedicacion compartida de seguridad y bienestar del comunidad de escuela. (B. Garcia)