El Zamboanga City Police Office (ZCPO) ya fomenta el colaboracion estrategico ambos con el gobierno local y otro partes interesadas para tene un unido campaña contra droga ilegal aqui na ciudad.
Asegun con el ZCPO, desde’l mes de Enero este año hasta na presente tiempo, el proactivo campaña contra droga illegal del policia local ya produci siginificante resulta.
El ZCPO ya conduci 163 operaciones contra droga illegal que ya resulta na aresto del 175 personas envuelto na actividades de droga ilegal desde’l mes de Enero hasta na presente tiempo.
Notablemente, efectivo el esfuerzo del ZCPO por causa el policia local ya puede confisca 5,502.166 gramos de shabu que tiene el valor de P37.4 million
Mientras tanto, si Police Colonel Kimberly Molitas, el jefe del ZCPO, ta ase el llamda con el publico para esta unido para puede ya eradica con el actividades de droga ilegal.
Ademas, ta pidi si Molitas con el publico para reporta algun presencia del mga personas or grupo envuelto na actividades de droga ilegal por medio del linea directa 0977-855-81-83.
“Cooperacion del comunidad es supremo en asegurar el seguridad y proteccion del de aton ciuad,” si Molitas ya habla. (B. Garcia)