Zamboanga: Ya muri el un negociante na un incidente de tiro na carretra nacional na provincia del Zamboanga del Norte, asegun con el pulisiya. Si Police Colonel Glenn Dulawan, el director del pulisiya na Zamboanga del Norte, ya habla cay el incidente ya ocuri mga 6:25 del noche del Martes na Barangay Kipit, Labason, Zamboanga del Norte. Si Dulawan ya nombra con el victima negociante como si Osman Tapsin, 67 años el edad y residente del Barangay Kipit, Labason. Asegun con Dulawan cay base na investigacion, si Tapsin ta maneja motorsiclo de camino pa bolbida para na Barangay Kipit estaba na Barangay Osukan, Labason cuando ya tira conele el un desconosido persona muntao na otro motorsiclo que ta sigi na atras del victima. Enseguidas ya escapa el suspechao myentras mga concierne residentes ya lleba con Tapsin na Labason District Hospital para el curada medical. Por mal suwerte, ya declara el doctor cay muerto ya si Tapsin cuando ya llega na ospital. Asegun con Dulawan mga pulis ya puede recubri na lugar del crimen un calilbre .45 pistola con un bala que ta cre sila cay del victima el pusil. Asegun con Dulawan cay el pulisiya del Labason ta continua de ila investigacion para determina el motivo y si quien el echor del incidente. (B. Garcia) Zamboanga: Tropa militar ya descubri campo del mga enemigo del estado

    By
    RPN Social
    -
    0
    1

    El mga tropa del 37th Infantry Battalion (IB) ya puede descubri un abandonao campo del mga enemigo del estado na un lubrigo lugar na provincia del Sultan Kudarat.

    Asegun con Major General Alex Rillera, el comandante del 6th Infantry Division, cay con el campo ya descubri mga tropa del 37IB del Lunes na Barangay Limulan, Kalamansig, Sultan Kudarat.

    Asegun con Rillera cay ta conduci ofensiva el mga soldao cuando ya encontra sila con el un abandonao campo que tiene el anchor de 300 metro cuadrado y puede cabe 15 personas.

    Ta cre el mga soldao cay con el campo ya abandona el mga enemigo del estado dos dias ya el ya pasa base na mga rastro ya deja el mga ocupantes.

    Pero nohay habla el mga soldao si de quien el campo fuera lang cay el duenio de este amo el mga enemigo del estado.

    El mga soldao ya puede encontra mga cosas personal del mga enemigo del estado cuando ya inspecciona sila con el campo.

    Ya comenda si Rillera con el mga tropa quien ya puede descubri con el abandonao campo.

    Ya habla si Rillera cay ta demonstra este el sin descanso esfuerso de ila para termina con el terorismo na del ila teritoryo. (B. Garcia, photo courtesy of 6th Infantry Division)

    Leave a Reply