Treynta’y ocho maga soldao y empleyados del Western Mindanao Command (Westmincom) ya participa na un dia seminar sobre el ley de Republic Act 7877 o mas conosido como el Anti-Sexual Harassment Act of 1995.
Durante el seminar del Martes, si Major Regie Bangayan, el Judge Advocate del Westmincom, ya enseña con el maga participantes aserca el ley y si quemodo privini el clase de inaceptable accion.
Na parte tamen de Brigadier General Vincent Incognito, el deputy commander del Westmincom para el operacion de defensa internal, ya habla le si cosa el importancia na mantenida de un buen lugar de trabajo.
Ta esperansa tamen mucho si Tiniente Heneral Roy Galido, el comandante del Westmincom, cay el seminar ay ase acorda con maga soldao y empleyado del mando para mantene alto profesionalismo y disiplina.
Asegun con Galido, el acto de sexual harassment nohay lugar o espacio na mando del Westmincom.
El un dia seminar ya inicia el departamento del Gender and Development del Westmincom. (B. Garcia) (Photo Courtesy of Westmincom PIO)