Mas or menos 300 residentes de cuatro barangay na municipio del Munai, Lanao del Norte, el ya beneficia na un dia “civic action” ya conduci el Western Mindanao Command (Westmincom) por medio del Joint Task Force ZamPeLan.
Asegun con el Westmincom cay el mga beneficiaryo del actividad amo mga residentes del Barangays Old Poblacion, Matampay, Lindongan, y Laininding, na municipio del Munai.
El mga beneficiaryo ya recivi libre consultacion medical y de diente, cortada pelo y otro pa servicio incluwido libre medicina.
El Civic action ta sirvi parte del mga actividades na celebracion del aka-17 aniversaryo del Westmincom este mes de Agosoto.
Asegun con el Westmincom cay el actividad amo para ase acorda con el publico cay puede sila confia y depende con el military. (B. Garcia, photo courtesy of Joint Task Force ZamPeLan)
