Davao City – On hold pa karon ug wala pa gipatuman sa dakbayan sa Davao ang bag-ong speed limit ordinance nga gipagawas sa City Transport and Traffic Management Office (CTTMO).
Sumala kang Alfredo Tamayo, Assistant Traffic Operation Officer sa CTTMO, nga on hold pa tungod ilaha pang ginahulat ang mando gikan sa sa City Government of Davao.
Dugang niini, adunay pay dapat nga mga ilisan sama signages ingon man ang mga bag-ong rekisitos.
Sigun sa opisyal, nga hangtud karon ilaha pang hulaton ang approval sa pagpatuman sa giingong ordinansa apan ilaha na kining gipahibalo sa publiko aron nga ma-aware nga adunay bag-ong ordinansa.
Samtang, tumong sa giingong kabag-ohan sa speed limit nga mas madesiplina ang katawhan ug mahatagan ug seguridad ang publiko aron nga mahalikay kini sa posibling disgrasya sa kalsada.
Kahinumduman, napasar sa ikatulo ug katapusang pagbasa sa Davao City Council, ang bag-ong speed limits regulation diin tumong niini aron ma-address ang mga disgrasya sa kadalanan. (Camille Santos Naraga)
(Source: CTTMO Davao)
