El Western Mindanao Command (Westmincom) ya instola con Tiniente Coronel Joseph Aldenese como el nuevo interino Assistant Chief of Unified Command Staff (ACUCS) for Operations.
El instolacion de Aldenese ya hace durante el ceremonia del cambio del jefe del oficina na Campo Navarro na ciudad de Zamboanga del Miercoles.
Si Coronel Emmanuel Cabasan, el Chief of Unified Command Staff, ya encabesa con el ceremonia donde si Coronel Rogelio Gabi ya entrega su posicion con Aldenese.
Na su mensaje, Si Aldenese ya reconoce con el invaluable legacia del administracion de Gabi.
Ya promete si Aldenese cay hay mejora le mas con el mga desarollo como el nuevo jefe de mencionao oficina.
Si Cabasan ya extende su apreciacion y gratitud con Gabi por su meritorioso liderato.
Si Gabi esperansao asumi na mas alto puesto na quartel del Army na ciudad de Taguig. (B. Garcia)