Un vendedor the droga ilegal el ya muri mientras un operativa del gobierno ya iri na tirahan que ya ocuri durante de un operacion de compra busto na provincia del Maguindanao del Sur, asegun con el Philippine Drug Enforcement Agency (PDEA) del Viernes.
El PDEA na Bangsamoro Autonomous Region in Muslim Mindanao (BARMM) ya identifica con el muerto vendedor de droga ilegal como si Haider Ali Dimacisil conocido tamen como si alias Den.
Asegun con Gil Cesario Castro, el director del PDEA-BARMM, el tirahan ya socede despues que si Dimacisil y su compañero ya tira con el mga operativas de gobierno cuando ya gole sila cay con mga autoridad sila ya hace transaccion de droga ilegal.
Asegun con Castro, el compañero de Dimacisil, quien conocido lang como si alias Dats ya puede escapa.
Asegun con Castro, con Dimacisil quien ya iri durante el tirahan ya lleva na hospital pero ya declara muerto con el suspechao cuando ya llega na facilidad medical.
Nohay mas nombra si Castro con el operativa del gobierno quien ya iri durante el tirahan. El operaiva admitido na hospital.
ASegun con Castro, ya recubri na lugar del tirahan 50 gramos de suspechao shabu enpaquetao na un termosellada transparente sobrecitos plastic que tiene el valor de P340,000, y dinero de compra busto. (B. Garcia)