El Bureau of Fisheries and Aquatic Resources hunto con el PNP Maritime Group ya cuji con un varko de fesca durante un campania contra illegal fesca del otro semana alli serca na Pandilusan Island, Zamboanga Sibugay.
El varko nombrao como el F/B Marlene ya cuji despues que ya descubbri maga autoridad cay expired ya el licensia del varko.
Puera que expired el licensia, hinde tamen registrao el maga equipajo del varko de fesca.
Este un violacion del Fisheries Code of the Philippines y Fisheries Administrative Order No. 198-1, series of 2018.
Con el varko de fesca ya columbra maga personajes del BFAR y Maritime police myentras ta conduci sila patrulya na la mar.
Asegun con el BFAR cay el cujida del varko ay sirvi como un leccion con otro maga deunio de varko de fesca akin a rehyon. (Benjie Diones)