Un persona ta enfrenta asunto de robo el ya aresta maga personajes del pulis maga alas cuatro deci-seis del myerkoles tarde alli na Barangay Cabatangan, este ciudad de Zamboanga.
Si Major Alvin Lepiten, hefe del Police Station 7, ya nombra con el arestao wanted person como si Roland Rebollos Talap alias Tatah, veinte nueve anios el edad y residente de Cabatangan.
Asegun con Lepiten cay el jusgado ya ase sale orden de aresto por el caso de robo contra con Talap del Abril deci-ocho anio dos mil veinte dos.
El jusgado ya recomenda el piansa del dies mil de pssos para el temporaryo libertad de Talap.
Si Talap presentamente detenido ahora na Police Station 7. (Regino Delos Santos)